మండలిలో పిడిఎఫ్ డిమాండ్

అమరావతి బ్యూరో: రాష్ట్ర ప్రభుత్వ ఉద్యోగులకు కాంట్రీబ్యూటరీ పెన్షన్ స్కీం(సిపిఎస్)ను రద్దు చేసి పాత పెన్షన్ అమలు చేయాలని పిడిఎఫ్ సభ్యులు డిమాండ్ చేశారు. ‘ఉద్యోగుల సంక్షేమం-ప్రభుత్వ విధానం’ పై శాసన మండలిలో గురువారం జరిగిన చర్చలో పిడిఎఫ్ పక్షనేత వి బాలసుబ్రహ్మణ్యం, సభ్యులు ఐ వెంకటేశ్వరరావు, యండపల్లి శ్రీనివాసులు రెడ్డి మాట్లాడారు. సిపిఎసను వారం రోజుల్లో రద్దు చేస్తామని వైసిపి ఎన్నికల్లో హామీ ఇచ్చిందని, అధికారంలోకి వచ్చి ఏడాదిన్నర గడిచినా కమిటీలతో కాలయాపన చేస్తోందని విమర్శించారు. ఢిల్లీ ప్రభుత్వం సిపిఎస్ అవసరం లేదని అసెంబ్లీలో తీర్మానించిందని, రాష్ట్రప్రభుత్వం కూడా ఇలాంటి తీర్మానం చేస్తుందా అని ప్రశ్నించారు. ఎప్పటిలోగా సిపిఎస్ రద్దు చేస్తారో చెప్పాలని డిమాండ్ చేశారు. 2018 జులై 1 నుంచి 11వ పిఆర్సి ఉద్యోగులకు అమలు కావాల్సి ఉందని, దీనిని ఎప్పటి నుంచి అమలు చేస్తారో చెప్పాలనికోరారు. అధికారంలోకి వచ్చిన తరువాత ఇప్పటి వరకు ఉద్యోగ, ఉపాధ్యాయసంఘాలతో ప్రభుత్వం చర్చించలేదని గుర్తుచేశారు. కాంట్రాక్టు,ఔట్ సోర్సింగ్ విధానంపై ఒక పాలసీ ప్రకటించాలని కోరారు. కరోనా కాలంలో ప్రైవేట్ విద్యరంగంలో పనిచేసే 3లక్షల మంది సిబ్బందికి జీతాలు అందలేదని, వారిని ఆదుకోవాలని కోరారు ఆర్థిక శాఖమంత్రి బుగ్గన రాజేంద్రప్రసాద్ మాట్లాడుతూ సిపిఎస్ రద్దు రాష్ట్రప్రభుత్వం నియమించిన వర్కింగ్ కమిటీ పరిశీలనలో ఉందని చెప్పారు.

ABOLISH CPS DEMAND

న్యూస్ టోన్, అమరావతి: ప్రైవేటు డీఎడ్ కాలేజీల అక్రమాలతో ఆయా విద్యా సస్థల్లో నిబంధనలకు విరుద్ధంగా ప్రవేశాలు పొందిన విద్యార్థులు నష్టపోకుండా ప్రభుత్వం నిర్ణయం తీసు కుంది. ఇటువంటి విద్యార్థులకు నిలిపేసిన పరీక్షలను నిర్వహిం చనుంది. దీనివల్ల 25 వేల మంది (2018-20 బ్యాచ్) డీఎడ్ విద్యార్థులకు మేలు చేకూరుతుందని విద్యా శాఖ మంత్రి ఆది మూలపు సురేశ్ గురువారం ఉపాధ్యాయ ఎమ్మెల్సీలు అడిగిన ప్రశ్నలకు మండలిలో బదులిచ్చారు. డీఎపాటు ఎల్పీజీ విద్యార్థులు పరీక్షలు రాయడానికి అవకాశం కల్పిస్తామన్నారు. అలాగే, ‘2018-20 డీసెట్ ను 18 వేల మంది రాయగా వేల మంది మాత్రమే అర్హత సాధించారు. దీంతో డీసెట్ అర్హత మార్కులను తగ్గించేలా అప్పటి ప్రభుత్వంలోని వారికి ముడుపులు ఇచ్చి మరికొంతమందికి అర్హత వచ్చేలా కాలేజీలు చేశాయి. ఇలా 14.530 మంది సీట్లు పొందారు. ఆ తర్వాత మరో వేల మంది నుంచి రూ.లక్షలు చొప్పున వసూలు చేసి అనధికారికంగా చేర్చుకున్నాయి. ఇటీవల అధికారిక ప్రవేశాలు పొందిన విద్యార్థులకు పరీక్షలు నిర్వహించారు. ఇతర విద్యార్థులకు పరీక్షలు పెట్టాలని యాజమాన్యాలు కోర్టును ఆశ్ర యించినా వారికి చుక్కెదురైంది. కాలేజీల తప్పునకు విద్యార్థులు నష్టపోకుండా పరీక్షలు నిర్వహించాలని ప్రభుత్వం నిర్ణయం లబ్ది చేకూరనుంది’ అని చెప్పారు.

FAVOUR FOR 25K D.Ed STUDENTS

అమరావతి బ్యూరో: డిఎస్సి 2008లో క్వాలిఫై అయిన అభ్యర్థులకు న్యాయం చేయాలని
నిరుద్యోగ ఉపాధ్యాయులు నిరసన వ్యక్తం చేశారు. విజయవాడలోని అలంకార్ సెంటర్ లో వివిధ జిల్లాల నుండి వచ్చిన 2008 డిఎస్సీ క్వాలిఫై అభ్యర్థులు జగనన్న మీద ఆలక పేరుతో నిరసన దీక్షను నిర్వహించారు. ఈ సందర్భంగా బిఇడి నిరుద్యోగ అభ్యర్థుల సంఘం కన్వీనర్ వెలుగుజ్యోతి మాట్లాడారు. 2008లో అప్పటి ముఖ్యమంత్రి వైఎస్ రాజశేఖర్ రెడ్డి వేసిన జంబో డిఎస్ సిలో బిఇడి అభ్యర్థులకు పూర్తిగా అన్యాయం జరిగిందన్నారు. వందకు 77 మార్కులు వచ్చినా ఉద్యోగం ఇవ్వలేదన్నారు. జగన్ మోహన్ రెడ్డి ప్రభుత్వం 2008 డిఎస్సీ అభ్యర్థులకు న్యాయం చేస్తామని మే నెలలో వివరాలను తీసుకుందన్నారు. రాష్ట్ర వ్యాప్తంగా డిఎస్సి 2008లో అన్యాయానికి గురైన 2193 మంది నిరుద్యోగులకు ప్రభుత్వం న్యాయం చేయాలని అన్నారు. ఈ దీక్షా శిబిరానికి విద్యాశాఖ జాయింట్ డైరక్టర్ వెంకట్రామిరెడ్డి వచ్చి అభరులతో మాట్లాడారు. విద్యాశాఖ మంత్రి ఆదిమూలపు సురేష్ తమతో మాట్లాడమని తనను పంపారని చెప్పారు. తమ అభ్యర్ధనను ప్రభుత్వం పరిశీలిస్తోందని అభ్యర్థులకు హామీ ఇచ్చారు. ఈ సందర్భంగా నిమ్మమరసం ఇచ్చి దీక్షను విరమింపజేశారు.

JUSTICE FOR DSC 2008 CANDIDATES

• కమిషనర్‌ వెబ్‌సైట్‌లో జిల్లాల జాబితా డౌన్‌లోడ్‌కు ఉన్న ఆప్షన్‌
• జిల్లా నుంచి 7,449 దరఖాస్తులు
• ఆర్జేడీ, డీఈఓ, డీవైఈఓ, ఎంఈఓ స్థాయిల్లో 56 తిరస్కరణ

అనంతపురం విద్య, డిసెంబరు 3: ఉపాధ్యాయుల బదిలీల్లో భాగంగా ప్రొవిజినల్‌ సీనియారిటీ జాబితాను గురువారం ఎట్టకేలకు ప్రదర్శించారు. రాష్ట్రవ్యాప్తంగా ఇతర జిల్లాల జాబితాలు పాఠశాల విద్యాశాఖ కమిషనర్‌ (సీఎ్‌సఈ) వెబ్‌సైట్‌లో ప్రదర్శించారు. జిల్లా జాబితాను రాత్రి ఆలస్యంగా ఉంచారు. జిల్లా నుంచి మొత్తం బదిలీలకు 7,449 మంది ఉపాధ్యాయులు దరఖాస్తు చేసుకున్నారు. ఇందులో ఆర్జేడీ, డీఈఓ, డీవైఈఓ, ఎంఈఓ స్థాయిల్లో 56 దరఖాస్తులను తిరస్కరించారు. నేటి నుంచి రెండు రోజులపాటు ప్రొవిజినల్‌ సీనియారిటీ జాబితాపై అభ్యంతరాలను స్వీకరించనున్నారు. అనంతరం జాయింట్‌ కలెక్టర్‌ ఆమోదం తీసుకుని, తుది జాబితాను ప్రదర్శించనున్నారు.

తేలిన లెక్క

జిల్లాల నుంచి జాబితాలను రాష్ట్ర శాఖకు పంపా రు. దీంతో వారు జిల్లాల వారీగా జాబితాలను వెబ్‌సైట్‌లో ప్రదర్శించారు. ఆ మేరకు జిల్లావ్యాప్తంగా ఉపాధ్యాయ బదిలీలకు 7,449 దరఖాస్తులు వచ్చాయి. ఇందులో గ్రేడ్‌-2 ప్రధానోపాధ్యాయులకు సంబంధించి 188, స్కూల్‌ అసిస్టెంట్‌ తదితరాలు 7,210 ఉన్నాయి. రెండేళ్ల సర్వీసు పూర్తికాని, పీఈటీలవి, అనర్హత తదితర కారణాలతో ఆర్జేడీ 1, డీఈఓ 4, డిప్యూటీ డీఈఓలు 18, ఎంఈఓలు 33 దరఖాస్తులను తిరస్కరించినట్లు జిల్లా విద్యాశాఖ వర్గాలు తెలిపాయి. మరో ఐదుగురి దరఖాస్తులను తి రస్కరించటంతో తిరిగి దరఖాస్తు చేయలేదని అధికారులు చెబుతున్నారు.

సాంకేతిక సమస్యతో జాప్యం

జిల్లా ప్రొవిజినల్‌ సీనియారిటీ జాబితా కమిషనరేట్‌ వెబ్‌సైట్‌లో కనిపించలేదు. ఇతర జిల్లాల జాబితాలు కనిపించినా.. అనంతకు సంబంధించి కనిపించకలేదు. మధ్యాహ్నం నుంచే బదిలీల సీనియారిటీ జాబితాలు అంటూ.. కొన్ని కేటగిరీ పోస్టుల జాబితాలు సోషల్‌ మీడియాలో హల్‌చల్‌ చేశాయి. సాంకేతిక సమస్యలతో జిల్లా జాబితా వెబ్‌సైట్‌లో ప్రదర్శించలేదు. సమస్య పరిష్కారం తర్వాత ప్రొవిజినల్‌ సీనియారిటీ జాబితాను ప్రదర్శించారు.

SENIORITY LIST ANANTAPURAM

ఒంగోలువిద్య, డిసెంబరు 3 :  జిల్లాలోని వివిధ కేజీబీవీల్లో ఖాళీగా ఉన్న 6,7,8,ఇంటర్మీడియట్‌ మొదటి సంవత్సరం ఖాళీలను భర్తీ చేసేందుకు అరు ్హలైన విద్యార్థినుల నుంచి దరఖాస్తులు ఆహానిస్తున్నట్లు ఏపీ సమగ్రశిక్ష అద నపు ప్రాజెక్టు కోఆర్డినేటర్‌  డాక్టర్‌ ఎం.శ్రీనివాసరెడ్డి గురువారం ఒక ప్రక టనలో తెలిపారు. ఈనెల 4 నుంచి 9వతేదిలోపు దరఖాస్తులను సమగ్రశిక్ష జిల్లా ప్రాజెక్టు కార్యాలయంలో సమర్పించాలన్నారు. జిల్లాలోని వెలిగండ్ల, రాచర్ల, మార్కాపురం, పెద్దారవీడు, సీఎస్‌పురం, ఉలవపాడు, కొమరోలు, చీ రాల, వి.వి.పాలెం, పామూరు, లింగసముద్రం, హనుమంతునిపాడు, పొ న్నలూరు, పిసిపల్లి, పెద్దదోర్నాల, అర్ధవీడు, జరుగుమల్లి, కేజీబీవీల్లో ఖాళీలు ఉన్నాయన్నారు. విదార్థినులు సద్వినియోగం చేసుకోవాలని ఆయన కోరారు.

KGBV ADMISSIONS LAST DATE 9TH

• శాసనమండలిలో తెదేపా, పీడీఎఫ్‌ సభ్యుల ధ్వజం
• సీపీఎస్‌ రద్దుపై కేఏ పండిట్‌ కమిటీతో వాస్తవిక విశ్లేషణ: మంత్రి బుగ్గన వెల్లడి

ఈనాడు, అమరావతి: ‘అధికారంలోకి వచ్చిన వారంలోనే సీపీఎస్‌ను రద్దు చేస్తామని జగన్‌ ప్రకటించారు. 18 నెలలైనా ఎందుకు చేయలేకపోయారు? పాత డీఏలను 30 నెలల తర్వాత జీతంలో కలిపి ఇస్తామంటారా? ఉద్యోగ, ఉపాధ్యాయ సంఘాలతో ప్రజాస్వామికంగా వ్యవహరించలేరా? ఒక్కసారి కూడా సమస్యలపై చర్చించి పరిష్కరించలేరా?’ అని తెదేపా, పీడీఎఫ్‌ సభ్యులు శాసనమండలిలో ధ్వజమెత్తారు. ‘ఉద్యోగుల సంక్షేమం- ప్రభుత్వ విధానం’ అంశంపై గురువారం మండలిలో లఘుచర్చ జరిగింది. ఈ సందర్భంగా పీడీఎఫ్‌ సభ్యుడు ఐ.వెంకటేశ్వరరావు మాట్లాడారు. ఉద్యోగుల అసంతృప్తి వ్యతిరేకతగా మారకుండా చూసుకోవాలని ప్రభుత్వాన్ని హెచ్చరించారు. శాంతియుత నిరసనలు తెలిపేందుకు ఉద్యోగ, ఉపాధ్యాయ, ప్రజాసంఘాలను అనుమతించడం లేదని.. నిరసన తెలిపే హక్కును అణచివేయొద్దని హెచ్చరించారు. ఉపాధ్యాయులతో నాడు-నేడు పనులు చేయించటం దారుణమని తెదేపా సభ్యుడు ఏఎస్‌ రామకృష్ణ పేర్కొన్నారు. పాఠశాలలు తెరవటం వల్లే అనేక మంది ఉపాధ్యాయులు కొవిడ్‌ బారిన పడి ప్రాణాలు కోల్పోయారన్నారు. ఉపాధ్యాయ, ఉద్యోగ సంఘాలతో ప్రభుత్వం ప్రజాస్వామికంగా మెలగాలని, లేకపోతే ఎంతవరకైనా వెళ్లేందుకు సిద్ధమని పీడీఎఫ్‌ సభ్యుడు విఠపు బాలసుబ్రమణ్యం అన్నారు.

వర్కింగ్‌ కమిటీని నియమించాం

సీపీఎస్‌ రద్దుకు సంబంధించిన అంశంపై కేఏ పండిట్‌ కమిటీ వాస్తవిక విశ్లేషణ జరుపుతోందని ఆర్థిక మంత్రి బుగ్గన రాజేంద్రనాథ్‌రెడ్డి తెలిపారు. ఇప్పటికే ఈ వ్యవహారంపై మంత్రివర్గ ఉపసంఘాన్ని, ప్రభుత్వ ప్రధాన కార్యదర్శి ఆధ్వర్యంలో వర్కింగ్‌ కమిటీని నియమించామన్నారు. ప్రస్తుతం వర్కింగ్‌ కమిటీ సమావేశాలు జరుగుతున్నాయని తెలిపారు. సీపీఎస్‌ రద్దుకు సంబంధించి ఇచ్చిన హామీకి కట్టుబడి ఉన్నామన్నారు. శాసనమండలిలో ‘ఉద్యోగుల సంక్షేమం- ప్రభుత్వ విధానం’ అంశంపై జరిగిన లఘుచర్చకు ఆయన సమాధానమిచ్చారు. ప్రస్తుతం కరోనా వల్ల రాబడి పడిపోయిందని, ఉద్యోగుల సంక్షేమంలోనూ తొలుత చిరుద్యోగులకే ప్రాధాన్యమిస్తున్నామని అన్నారు. ఆ క్రమంలోనే ఆశా కార్యకర్తలు, పారిశుద్ధ్య కార్మికులు, హోంగార్డులకు వేతనాలు పెంచామని తెలిపారు.

WHY CPS NOT ABOLISHED

ఒంగోలువిద్య, డిసెంబరు 3 : రాజీవ్‌గాంధీ యూనివర్శిటీ ఆఫ్‌ నాలెడ్జి టె క్నాలజీస్‌ ఆధ్వర్యంలో నిర్వహిస్తున్న ట్రిపుల్‌ ఐటీల్లో 2020-21 విద్యాసంవ త్సరంలో అడ్మిషన్ల కోసం మొదటిసారిగా శనివారం ప్రవేశపరీక్ష నిర్వహిస్తు న్నారు. జిల్లాలో ఈ పరీక్షకు 7302 మంది విద్యార్థులు హాజరుకానుండగా, 59 పరీక్షాకేంద్రాలను ఏర్పాటు చేశారు. ప్రశ్నపత్రాలను 40 పోలీసుస్టేషన్లలో భద్రపరిచారు. పరీక్ష ఉదయం 11 నుంచి మధ్యాహ్నం ఒంటి గంటవరకు జ రుగుతుంది. ఉదయం 9గంటలకే విద్యార్థులు పరీక్షా కేంద్రాలకు చేరుకోవా లి. పరీఒంగోలువిద్య, డిసెంబరు 3 : రాజీవ్‌గాంధీ యూనివర్శిటీ ఆఫ్‌ నాలెడ్జి టె క్నాలజీస్‌ ఆధ్వర్యంలో నిర్వహిస్తున్న ట్రిపుల్‌ ఐటీల్లో 2020-21 విద్యాసంవ త్సరంలో అడ్మిషన్ల కోసం మొదటిసారిగా శనివారం ప్రవేశపరీక్ష నిర్వహిస్తు న్నారు. జిల్లాలో ఈ పరీక్షకు 7302 మంది విద్యార్థులు హాజరుకానుండగా, 59 పరీక్షాకేంద్రాలను ఏర్పాటు చేశారు. ప్రశ్నపత్రాలను 40 పోలీసుస్టేషన్లలో భద్రపరిచారు. పరీక్ష ఉదయం 11 నుంచి మధ్యాహ్నం ఒంటి గంటవరకు జ రుగుతుంది. ఉదయం 9గంటలకే విద్యార్థులు పరీక్షా కేంద్రాలకు చేరుకోవా లి. పరీక్ష నిర్వహణలో కొవిడ్‌ నిబంధనలను పాటిస్తూ ఒక్కో గదికి కేవలం 16 మందినే కేటాయించాలని డీఈవో వీఎస్‌.సుబ్బారావు గురువారం ఓ ప్రక టనలో పరీక్ష కేంద్రాల చీఫ్‌లు, డీవోలను ఆదేశించారు.

IIIT EXAM ON TOMORROW

• కమిషనర్‌కు పంపి అభ్యంతరాలు స్వీకరించే యోచన

న్యూస్ టోన్, గుంటూరు: ఉపాధ్యాయ బదిలీలకు సంబంధించి ఇటీవల ప్రభుత్వం కొన్ని సవరణలు చేసింది. దీంతో బదిలీ దరఖాస్తులను తిరిగి పరిశీలన చేసి అర్హుల జాబితాను రూపొందించారు. గతంలో రూపొందించిన బదిలీల సీనియారిటీ జాబితాలు సైతం తారుమారయ్యాయి. అదేవిధంగా దరఖాస్తు చేసుకున్న వారిలో ఎవరు తప్పనిసరిగా బదిలీ అవుతారో కొత్త సవరణల ప్రకారం తిరిగి జాబితాలు రూపొందించారు. జిల్లా వ్యాప్తంగా బదిలీల కోసం 5901 దరఖాస్తులు వచ్చాయి. వీరిలో 2102 మంది తప్పనిసరిగా బదిలీ అవుతారని తాజాగా తేల్చారు. తొలుత బదిలీ జీవోలు జారీ చేసినప్పుడు ఉపాధ్యాయుల స్టేషన్‌ పాయింట్లు, వారి సర్వీస్‌ పాయింట్లు, ప్రధానోపాధ్యాయుల బదిలీకి నిర్దేశించుకున్న అకడమిక్‌ ఇయర్లు వంటివి మార్పులు చేసి నూతన సవరణలు తీసుకొచ్చారు. దీంతో ఆ ప్రకారం తిరిగి జాబితాలు తయారు చేసినట్లు జిల్లా విద్యాశాఖ వర్గాలు తెలిపాయి. తొలుత బదిలీ జీవోలు ఇచ్చినప్పుడు ఉపాధ్యాయుల సర్వీసుకు సంబంధించి గరిష్ఠంగా 30 ఏళ్లు తీసుకోవాలని సూచించారు. ఆ తర్వాత వచ్చిన సవరణల్లో దీన్ని 32 ఏళ్లకు పెంచడంతో కొందరు ఉపాధ్యాయులకు పాయింట్లు బాగా పెరిగాయి. స్టేషన్‌ పాయింట్ల విషయంలోనూ గతంలో గరిష్ఠంగా ఎనిమిదేళ్లకే తీసుకోవాలని నిబంధన ఉంది. దాన్ని ఎత్తివేసి వారు ఎన్ని సంవత్సరాలైతే ఒకే పాఠశాలలో పనిచేశారో ఆ కాలానికి పాయింట్లు ఇవ్వాలని సూచించారు. దీంతో ఆ మేరకు కొందరికి అదనపు పాయింట్లు వచ్చాయి. ప్రధానోపాధ్యాయుల బదిలీకి అకడమిక్‌ ఇయర్‌ అని తొలుత సూచించారు. కానీ దాన్ని మార్పు చేశారు. వీరికి సంబంధించి 18.11.2015కు ముందు ఏ పాఠశాలలో అయితే పని చేస్తున్నారో అప్పటి నుంచి ఐదేళ్లు పూర్తయితే వారిని బదిలీకి అర్హులుగా పేర్కొంటూ సవరణలు వచ్చాయి. ఈ ప్రకారం తిరిగి అర్హుల జాబితా తయారు చేయగా అదనంగా మరికొందరు ప్రధానోపాధ్యాయులు బదిలీకి అర్హులుగా తేలారని విద్యాశాఖ వర్గాలు తెలిపాయి.

వెబ్‌ ఆప్షన్‌లకు అవకాశం?

ప్రస్తుతం రూపొందించిన బదిలీల జాబితాను పాఠశాల విద్యా శాఖ కమిషనర్‌కు పంపి వారి సూచనల మేరకు ఒకటి, రెండు రోజుల పాటు అభ్యంతరాల స్వీకరణకు ఉపాధ్యాయులకు అందుబాటులో ఉంచాలనే యోచనలో అధికారులు ఉన్నారు. గతంలో తయారు చేసిన జాబితాలపై సంఘాల నుంచి అభ్యంతరాలు స్వీకరించారు. ఈ నెల 11 నుంచి వెబ్‌ ఆప్షన్లు ఇచ్చుకోవడానికి అవకాశం కల్పిస్తారని ఉపాధ్యాయులు భావిస్తున్నారు. కరోనా తగ్గుముఖం పట్టనుండడంతో కచ్చితంగా బదిలీలు ఉంటాయని భావిస్తున్నారు. ప్రధానోపాధ్యాయులు కొందరు బదిలీలపై తమకు విద్యా సంవత్సరం ప్రకారం సర్వీసును ప్రాతిపదికగా తీసుకుని బదిలీలు చేపట్టాలని కోర్టును ఆశ్రయించారు. ఒక్క గుంటూరు జిల్లా నుంచే 10 మందికి పైగా ప్రధానోపాధ్యాయులు కోర్టును ఆశ్రయించారు. వీటిపై కోర్టు ఇచ్చే తీర్పులకు లోబడి బదిలీలు ఉంటాయా? ఉండవా అనేది ఆధారపడి ఉందని మరికొందరు అంటున్నారు. అధికారులు మాత్రం బదిలీల దిశగానే ఉన్నత స్థాయిలో కసరత్తు జరుగుతోందని చెబుతున్నారు.

SENIORITY LISTS FINALIZED