- మోస్తరు నుంచి భారీ వర్షాలకు చాన్స్
- వాతావరణ శాఖ ప్రకటన
రాబోయే 2 రోజుల పాటు రాష్ట్రంలో మోస్తరు నుంచి భారీ వర్షాలు కురిసే అవకాశం ఉందని వాతావరణ శాఖ తెలిపింది. అన్ని జిల్లాలకు ఎల్లో అలర్ట్ను జారీ చేసింది. హైదరాబాద్ సిటీలోనూ ముసురు కొనసాగే అవకాశం ఉందని పేర్కొంది. రెండురోజులుగా రాష్ట్ర మంతటా ముసురు కమ్మేసింది. ముఖ్యంగా నిజమాబాద్, జగిత్యాల, నిర్మల్, మంచిర్యాల, జయశంకర్ భూపాలపల్లి జిల్లాల్లో పలు చోట్ల భారీ నుంచి అతిభారీ వర్షాలు కురిశాయి.
అత్యధికంగా నిజామాబాద్ జిల్లా వేంపల్లిలో 13.3 సెంటీమీటర్ల వర్షపాతం నమోదైంది. జగిత్యాల జిల్లా మల్లాపూర్లో 9.6, రాయికల్లో 8.3, నిర్మల్ జిల్లా ఖానాపూర్లో 8, జగిత్యాల జిల్లా మెట్పల్లిలో 7.9, నిజామాబాద్ జిల్లా ముప్కల్లో 7.9, జయశంకర్ భూపాలపల్లి జిల్లా సార్వాయిపేటలో 7.7 సెంటీమీటర్ల చొప్పున వర్షపాతం నమోదైంది.
Disclaimer: This story is auto-aggregated by a computer program and has not been created or edited by newStone.
