Viral News: దక్షిణాఫ్రికాలో ప్రిటోరియా అనే నగరానికి చెందిన గోసియమి తమారా సితోలే అనే 37 ఏళ్ల మహిళ ఒకే కాన్పులో ఏడుగురు మగ పిల్లలు, ముగ్గురు ఆడపిల్లలకు జన్మనిచ్చి రికార్డు సృష్టించిందంటూ గత కొద్దిరోజులుగా ఓ వార్త సోషల్ మీడియాలో తెగ చక్కర్లు కొడుతోంది. ప్రపంచ మీడియాలో సైతం ఈ న్యూస్ హాట్ టాపిక్‌గా మారింది. దీనిపై నెటిజన్లు భిన్నాభిప్రాయాలు వ్యక్తం చేశారు. అసలు ఇది ఎంతవరకు నిజమని కొంతమంది అనుమానం కూడా వ్యక్తం చేశారు. ఈ తరుణంలో తాజాగా ఈ వార్తపై దక్షిణాఫ్రికా ప్రభుత్వం స్పందిస్తూ బహిరంగ ప్రకటన విడుదల చేసింది.
ప్రిటోరియా నగరంలోని అన్ని ప్రైవేట్, గవర్నమెంట్ ఆసుపత్రుల్లో రికార్డులన్నింటిని అక్కడి ప్రభుత్వ అధికారులు పరిశీలించారు. జూన్ 7వ తేదీన గోసియమి అనే మహిళ 10 మంది పిల్లలకు జన్మనిచ్చినట్లు వారికి ఏ ఆసుపత్రిలోనూ సమాచారం దొరకలేదు. అక్కడి ప్రభుత్వం ఈ విషయాన్ని ప్రస్తావిస్తూ బహిరంగంగా ఓ ప్రెస్ నోట్‌ను కూడా రిలీజ్ చేసింది. మరి ఇంతకీ ఆ మహిళ ఒకే కాన్పులో 10 మంది పిల్లలకు జన్మనివ్వడం అసలు నిజమా.? కాదా.? అనేది విషయంపై మాత్రం ఇంతవరకు స్పష్టత రాలేదు.
GAUTENG GOVERNMENT RESPONDS TO PUBLIC ENQUIRY ON THE BIRTH OF DECUPLETS pic.twitter.com/BbE7fatchj
— GautengGov (@GautengProvince) June 9, 2021
