బంగారం ధర నిలకడగానే కొనసాగుతోంది. పసిడి రేటులో ఈరోజు ఎలాంటి మార్పు లేదు. వెండి ధర మాత్రం భారీగా తగ్గింది. ఒకేసారి రూ.1300 పతనమైంది.
- నిలకడగా బంగారం
- వెండి ఢమాల్
- ఈరోజు రేట్లు ఇలా
బంగారం ధర తగ్గుదలకు బ్రేక్ పడింది. గత కొన్ని రోజులుగా పడిపోతూ వచ్చిన బంగారం ధర ఈరోజు మాత్రం నిలకడగానే కొనసాగింది. పసిడి రేటులో ఎలాంటి మార్పు లేదు. అయితే వెండి ధర మాత్రం భారీగా పడిపోయింది.
హైదరాబాద్ మార్కెట్లో శుక్రవారం బంగారం ధర నిలకడగా ఉంది. 10 గ్రాముల 24 క్యారెట్ల బంగారం ధరలో ఎలాంటి మార్పు లేదు. దీంతో బంగారం Gold ధర రూ.48,650 వద్దనే కొనసాగుతోంది. అదేసమయంలో 10 గ్రాముల 22 క్యారెట్ల బంగారం ధర కూడా ఇదే దారిలో నడిచింది. రూ.44,600 వద్దనే ఉంది.
బంగారం ధర స్థిరంగా ఉంటే.. వెండి రేటు మాత్రం పడిపోయింది. వెండి ధర ఏకంగా రూ.1300 దిగొచ్చింది. దీంతో కేజీ వెండి Silver ధర రూ.65,000కు పతనమైంది. వెండి పట్టీలు, కడియాలు కొనుగోలు చేయాలని భావించే వారికి ఇది గుడ్ న్యూస్ అని చెప్పొచ్చు.
మరోవైపు అంతర్జాతీయ మార్కెట్లో బంగారం ధర తగ్గింది. ఔన్స్కు 1.03 శాతం దిగొచ్చింది. దీంతో పసిడి రేటు ఔన్స్కు 1766 డాలర్లకు క్షీణించింది. వెండి రేటు మాత్రం జిగేల్ మంది. ఔన్స్కు 0.15 శాతం పెరుగుదలతో 22.37 డాలర్లకు ఎగసింది.
కాగా గోల్డ్ రేటుపై ప్రభావం చూపే అంశాలు చాలానే ఉన్నాయి. ద్రవ్యోల్బణం, అంతర్జాతీయ మార్కెట్ పసిడి ధరల్లో మార్పు, కేంద్ర బ్యాంకుల వద్ద ఉన్న బంగారం నిల్వలు, వాటి వడ్డీ రేట్లు, జువెలరీ మార్కెట్, భౌగోళిక ఉద్రిక్తతలు, వాణిజ్య యుద్ధాలు, బాండ్ ఈల్డ్ వంటి పలు అంశాలు పసిడి రేటుపై ప్రభావం చూపుతాయని గమనించాలి.
ఇకపోతే పైన పేర్కొన్న బంగారం, వెండి ధరలకు వస్తు సేవల పన్ను GST (జీఎస్టీ), ఇతర పన్నుల, తయారీ చార్జీలు వంటివి జత చేయలేదు. అందువల్ల ఈ రేట్లకు రిటైల్ షాపుల్లో రేట్లకు వ్యత్యాసం ఉండొచ్చు. అందువల్ల మీరు ఈ విషయాన్ని గమనించాలి.
