Trivikram – Allu Arjun : అల్లు అర్జున్ – త్రివిక్రమ్ కాంబో ఎంత పెద్ద హిట్ అందరికి తెలిసిందే. ఇప్పటికే జులాయి, సన్నాఫ్ సత్యనారాయణమూర్తి, అలవైకుంఠపురంలో సినిమాలతో హ్యాట్రిక్ హిట్ కొట్టారు ఈ కాంబో. అయితే ఇప్పుడు మన డైరెక్టర్స్ అంతా కొత్త కాన్సెప్ట్స్ తో పాన్ ఇండియా సినిమాలు చేస్తూ పాన్ ఇండియా డైరెక్టర్స్ గా మారుతున్న సంగతి తెలిసిందే. త్రివిక్రమ్ కూడా స్టార్ డైరెక్టర్ అయినా ఇప్పటివరకు పాన్ ఇండియా వైపు చూడలేదు. ఇప్పటివరకు త్రివిక్రమ్ అన్ని సినిమాలు కూడా ఫ్యామిలీ ఎంటర్టైన్మెంట్ కథలు, తన డైలాగ్స్ తోనే లాక్కొచ్చాడు. ప్రయోగాత్మక సినిమాల జోలికి త్రివిక్రమ్ పోలేదు.
కానీ ఇప్పుడున్న కాంపిటేషన్ కి, పాన్ ఇండియా బిజినెస్ కి త్రివిక్రమ్ కూడా అప్డేట్ అవ్వక తప్పదని అర్ధం చేసుకున్నట్టు ఉన్నారు. ఇటీవల మహేష్ బాబుతో గుంటూరు కారం సినిమాతో వచ్చి హిట్ కొట్టిన త్రివిక్రమ్ నెక్స్ట్ అల్లు అర్జున్ తో సినిమా చేయబోతున్నాడు. పుష్ప 2 తర్వాత బన్నీతోనే త్రివిక్రమ్ సినిమా ఉంటుందని ఇటీవల అల్లు అర్జున్ పుట్టిన రోజు నాడు ప్రకటించిన సంగతి తెలిసందే. హారికా హాసిని క్రియేషన్స్ బ్యానర్ లోనే బన్నీ – త్రివిక్రమ్ సినిమా రాబోతుంది.
అయితే పుష్ప 2 లాంటి మాస్ పాన్ ఇండియా సినిమా తర్వాత మళ్ళీ క్లాస్ త్రివిక్రమ్ దగ్గరకు వెళ్లి టాలీవుడ్ సినిమా అల్లు అర్జున్ చేస్తాడా అనుకున్నారు. కానీ ఇది పాన్ ఇండియా సినిమా అని క్లారిటీ వచ్చేసింది. తాజాగా అనిర్మాత బన్నీ వాసు ఆయ్ సినిమా సాంగ్ లాంచ్ ఈవెంట్లో త్రివిక్రమ్ – అల్లు అర్జున్ సినిమా గురించి మాట్లాడుతూ.. త్రివిక్రమ్ గారు మొదటి సారి ఓ కొత్త కాన్సెప్ట్ సినిమాతో రాబోతున్నారు. బన్నీ – త్రివిక్రమ్ గారిది ఇది పాన్ ఇండియా సినిమా. త్రివిక్రమ్ గారికి పాన్ ఇండియా క్యాపబిలిటీ ఉందని బన్నీ నమ్మారు. గత రెండేళ్లుగా ఈ సినిమా గురించి చర్చలు జరిగి ఫైనల్ గా ఒక లైన్ ఓకే చేశారు. ఆ సినిమాకి కనీసం సంవత్సరం అయినా ప్రీ ప్రొడక్షన్ పడుతుంది. భారీ బడ్జెట్ తో ఆ సినిమా ఉండబోతుంది. బన్నీ కెరీర్ లోనే భారీ బడ్జెట్. ఆ సినిమా కోసం ఇప్పట్నుంచే చినబాబు గారు, అల్లు అరవింద్ గారు ఫైనాన్షియర్స్ ని వెతుకుతున్నారు. చాలా పెద్ద సినిమా అవుతుంది అది అని తెలిపారు.
దీంతో త్రివిక్రమ్ తన రూట్ మార్చి బన్నీ కోసం ఓ సరికొత్త కాన్సెప్ట్ రాసుకొని పాన్ ఇండియా సినిమాని భారీ బడ్జెట్ తో తెరకెక్కించబోతున్నాడని తెలుస్తుంది. ప్రస్తుతం త్రివిక్రమ్ ఆ సినిమా మీదే వర్క్ చేస్తున్నారు. పుష్ప 2 అయ్యాక ఆ సినిమానే మొదలవుతుంది. ఇన్నాళ్లు తన మాటలతో టాలీవుడ్ ప్రేక్షకులని మెప్పించిన త్రివిక్రమ్ ఇప్పుడు పాన్ ఇండియా ఎంట్రీ ఇవ్వబోతున్నాడు. దీంతో త్రివిక్రమ్ అభిమానులు సంతోషం వ్యక్తం చేస్తున్నారు. బాలీవుడ్ కూడా త్రివిక్రమ్ స్టైల్ చూసి ఆశ్చర్యపోతారని, ఇక నుంచి త్రివిక్రమ్ కొత్త స్టైల్ చూపిస్తాడని ఆశిస్తున్నారు.
View this post on Instagram
Disclaimer: This story is auto-aggregated by a computer program and has not been created or edited by newStone.
