మరికొద్ది రోజుల్లో పరీక్షలు. సంవత్సరమంతా పుస్తకాలతో కుస్తీలు. సరదాగా కింది తరగతి విద్యార్థులతో పార్టీ చేసుకుంటామని వార్డెన్ ను కోరారు. ఆయన సరే అనడంతో ఆనందంతో గంతులేశారు.
Hostel Students Party : హాస్టల్ లో పదో తరగతి విద్యార్థుల మందు పార్టీ.. అత్యుత్సాహం చూపి అడ్డంగా దొరికిపోయారు
మరికొద్ది రోజుల్లో పరీక్షలు. సంవత్సరమంతా పుస్తకాలతో కుస్తీలు. సరదాగా కింది తరగతి విద్యార్థులతో పార్టీ చేసుకుంటామని వార్డెన్ ను కోరారు. ఆయన సరే అనడంతో ఆనందంతో గంతులేశారు. వార్డెన్ ఉన్నంతవరకు బాగానే ఉన్న విద్యార్థులు.. అతను వెళ్లిపోగానే రెచ్చిపోయారు. బయటి నుంచి బీర్ బాటిళ్లు తెప్పించుకుని మద్యం తాగారు. అంతే కాకుండా ఆ ఫొటోలను సోషల్ మీడియాలో పోస్ట్ చేశారు. ఈ ఫొటోలు వైరల్ అయ్యి, ఉన్నతాధికారుల వద్దకు చేరింది. ఈ ఘటన తీవ్ర కలకలం రేపింది. మంచిర్యాల జిల్లాలోని దండేపల్లి బీసీ బాయ్స్ హాస్టల్ లో విద్యార్థులు ఈ ఘటనకు పాల్పడడం చర్చనీయాంశంగా మారింది. ఏప్రిల్ 17 ఆదివారం రాత్రి కింది తరగతి విద్యార్థులతో ఫేర్వెల్ పార్టీ చేసుకుంటామని వార్డెన్ను కోరారు. వారి విజ్ఞప్తిని మన్నించిన వార్డెన్.. వంటమనిషితో చికెన్ చేయించారు. విద్యార్థులందరూ భోజనం చేసిన తర్వాత వార్డెన్ఇంటికి వెళ్లిపోయాడు. ఇక అప్పుడు మొదలైంది అసలు కథ.. ఇదే అదనుగా భావించిన విద్యార్థులు హాస్టల్ వెనుక నుంచి బీర్ బాటిల్స్ తెప్పించుకున్నారు. అందరూ కూర్చొని చికెన్తో పాటు మద్యం తాగారు. అంతటితో ఆగకుండా బీర్ తాగుతున్నప్పుడు ఫొటోలు తీసుకున్నారు. వాటిని సోషల్ మీడియాలో పోస్ట్ చేశారు. ఆ ఫొటోలు కాస్తా వైరల్ అయ్యి, అధికారుల దృష్టికి వెళ్లింది. విషయం తెలుసుకున్న అసిస్టెంట్ బీసీ డెవలప్మెంట్ఆఫీసర్భాగ్యమతి.. హాస్టల్లోని విద్యార్థులను విచారించారు. తల్లిదండ్రుల పిలిపించారు. వారి ముందు విద్యార్థులకు కౌన్సెలింగ్ఇచ్చారు.
హస్టల్లో విద్యార్థులు పార్టీ చేసుకున్నారన్న విషయం తెలియగానే వారిని మందలించినట్లు అసిస్టెంట్ బీసీ డెవలప్మెంట్ఆఫీసర్భాగ్యమతి అన్నారు. వార్డెన్తో మాట్లాడి పర్మిషన్ తీసుకున్నారని.. వంటమనిషితోనే చికెన్ వండించుకున్నారని చెప్పారు. హాస్టల్వార్డెన్ బయటికి వెళ్లిపోయాక బయటి మిత్రులతో బీరు బాటిళ్లు తెప్పించుకుని తాగారని వివరించారు. హాస్టల్ వార్డెన్ నిర్లక్ష్యం వల్లే వసతి గృహంలో విద్యార్థులు మద్యం సేవించారని వెల్లడించారు. నిర్లక్ష్యంగా ఉన్న వార్డెన్పై చర్యలు తీసుకుంటామని స్పష్టం చేశారు.
