APPSC Interviews: 17 నుంచి గ్రూప్-1 అభ్యర్థుల ఇంటర్వ్యూలు

• అదే రోజున సర్టిఫికెట్ల పరిశీలనః ఏపీపీఎస్సీ

గ్రూప్-1 పరీక్షల్లో అర్హత సాధించిన అభ్యర్థులకు ఈ నెల 17వ తేదీ నుంచి ఇంటర్వ్యూలు నిర్వహిస్తామని ఆంధ్రప్రదేశ్ పబ్లిక్ సర్వీస్ కమిషన్ కార్యదర్శి పీఎస్సార్ ఆంజనేయులు తెలిపారు. మంగళవారం విడుదల చేసిన ఉత్తర్వుల్లో సెలవు రోజులు మినహా సోమవారం నుంచి శుక్రవారం వరకు ఉదయం 10 గంటల నుంచి సాయంత్రం 5.30 గంటల వరకు ఇంట ర్వ్యూలు జరుగుతాయన్నారు. విజయవాడ లోని ఏపీపీఎస్సీ కార్యాలయంలో ఇంటర్వ్యూలు జరిగే రోజుల్లోనే సర్టిఫికెట్ల పరిశీలన కూడా ఉంటుందన్నారు. అభ్యర్థుల జాబితా కోసం వెబ్సైట్ను సందర్శించాలని, ఏపీపీఎస్సీ కార్యాలయ నోటీస్ బోర్డులో కూడా జాబితా అందుబాటులో ఉంటుందని వివరించారు. అర్హులైన ప్రతి అభ్యర్థికి కి మెమోలు పంపించా మని, వాటిలో ఇంటర్వ్యూ షెడ్యూల్, మెడికల్ ఎగ్జామినేషన్ వివరాలు ఉన్నాయని, అవే మెమోలోని వివరాలను ఈమెయిల్, మొబైల్కు కూడా పంపించామని పీఎస్సార్ ఆంజనేయులు వెల్లడించారు.