Breathing exercise: కరోనాతో వచ్చే ప్రధాన సమస్య శ్వాసలో ఇబ్బందులు. దీని నుంచి కొంత ఉపశమనం పొందటానికి యోగాలో కొన్ని వ్యాయామాలు పనిచేస్తాయని చెబుతారు. ప్రాణాయామం వంటి యోగాలో చేసే శ్వాస వ్యాయామాలు మానవ శరీరం యొక్క సాధారణ రోగనిరోధక శక్తిని పెంచుతాయని నిరూపితం అయ్యాయి. కోవిడ్ -19 కారణంగా భారతదేశం ప్రస్తుతం అధిక సంఖ్యలో కేసులు మరియు మరణాలు రికార్డు అవుతున్నాయి. ఇది ఆక్సిజన్ సరఫరా కొరతకు దారితీసింది. ఆక్సిజన్ స్థాయిలలో భారీ తేడాల కారణంగా అనేక మంది కరోనా సోకిన రోగులు మరణించారు. అందువల్ల, ప్రజలు కోవిడ్ -19 బారిన పడ్డారా లేదా అనే దానితో సంబంధం లేకుండా, వారి ఆక్సిజన్ను తగిన స్థాయిలో నిర్వహించడం చాలా కీలకంగా మారింది. ఈ నేపధ్యంలో కరోనావైరస్ వ్యాధి (కోవిడ్ -19) మహమ్మారి యొక్క రెండవ వేవ్ లో ఆరోగ్యంగా ఉండవలసిన ప్రాముఖ్యతను కేంద్రం శనివారం స్పష్టంగా చెప్పింది. లోతైన శ్వాస వ్యాయామాన్ని సూచించింది. ఇది అనారోగ్యం తర్వాత కోలుకోవడానికి ప్రజలకు సహాయపడుతుందని పేర్కొంది. ట్విట్టర్లో ఒక చార్టును ఇందుకోసం షేర్ చేసింది. ఆవిరి పట్టిన తరువాత లేదా అది లేకుండా కూడా ఈ వ్యాయామం చేయవచ్చని ప్రభుత్వం తెలిపింది.
ఈ శ్వాస వ్యాయామం ఎలా చేయాలని చెప్పారంటే..
> కుర్చీలో కూర్చోండి.
> మీ శరీరాన్ని రిలాక్స్ గా ఉంచండి.
> మీ ముక్కు ద్వారా నెమ్మదిగా ఊపిరి పీల్చుకోండి
> మీ ఊపిరిని కొద్దిసేపు బిగబెట్టండి.
> మీ నోరు తెరిచి ఉంచుకొని నెమ్మదిగా మీ శ్వాసను విడుదల చేయండి.
ప్రభుత్వం చేసిన ట్వీట్ ఇదే…
During this pandemic, it is important to stay healthy. Here’s how you can do deep breathing exercises which may help in recovery after illness. Take a look! #IndiaFightsCorona #Unite2FightCorona pic.twitter.com/luhLaw4sIx
— MyGovIndia (@mygovindia) May 15, 2021
