పొట్టివాడైనా..గట్టివాడమ్మ అన్న నానుడిని జీవంలోకి తెచ్చి, యావత్తు ప్రపంచానికి స్ఫూర్తిగా మారిన ఓ మహిళ ఆర్తి డోగ్రా. Short IAS officer శారీరక ఎత్తు ఒక లోపం కాదు, తన విశిష్టత అని భావించి, దాన్నే తన ఉన్నతికి సోపానంగా మార్చుకున్నారు. సమాజం నుండి వచ్చిన అవహేళనలను, అవమానాలను సవాలుగా అంగీకరించి, అనితర సాధ్యమైన విజయాన్ని అందుకుని, తనకు ఒక ప్రత్యేక గుర్తింపును సృష్టించుకున్నారు.
Short IAS officer
డెహ్రాడూన్ నివాసి ఆర్తి డోగ్రాకు చిన్ననాటి నుండే శారీరక ఎత్తు వల్ల అడుగడుగున అవమానాలు, జాలి చూపులు ఎదురయ్యాయి. ఇతరులలో సులభంగా కలిసిపోయే అవకాశం కూడా లేనంతగా ఉండేది. కానీ, ఈ పరిస్థితినే తన జీవితాన్ని మార్చే సవాలుగా స్వీకరించారు. తండ్రి కల్నల్ రాజేంద్ర డోగ్రా మరియు తల్లి కుంకుమ్ డోగ్రా యొక్క అన్ని విధమైన ప్రోత్సాహం వారి పట్టుదలకు బలం జోడించింది.
తన శారీరక ఎత్తు కెరీర్ అవకాశాలను పూర్తిగా మాపేస్తుందన్న భయాన్ని ధైర్యంగా ఎదుర్కొన్నారు. ఢిల్లీ విశ్వవిద్యాలయం నుండి డిగ్రీ, మాస్టర్స్ పూర్తి చేసి, సివిల్ సర్వీసెస్ లక్ష్యంగా పెట్టుకున్నారు. ఈ ప్రయాణంలో కూడా అవహేళనలు తప్పలేదు కానీ, ఆర్తి తన ప్రయత్నం పట్ల గట్టి నమ్మకంతో ముందుకు సాగారు.
చివరకు ఆర్తి డోగ్రా ఐఏఎస్ అధికారిగా తమ విజయ ఢంకా మోగించారు. భారతదేశంలో అత్యంత పొట్టి ఐఏఎస్ అధికారిగా చరిత్ర సృష్టించారు. ఇప్పుడు వారు రాజస్థాన్ లో సమాచార, సాంకేతిక కమ్యూనికేషన్ శాఖ కార్యదర్శిగా విధులు నిర్వర్తిస్తున్నారు.
శారీరక లోపం అనేది మన అంతరంగ శక్తిని మనకే పరిచయం చేసే ఓ సాధనం మాత్రమే. దాన్ని సరైన దృష్టితో చూసుకుంటే, సాధ్యం కాదని భావించిన విజయాలు కూడా సాధించవచ్చు అని ఆర్తి డోగ్రా జీవితం మనకు నేర్పుతుంది. వారి విజయం వారి శారీరక ఎత్తుకు కాక, వారి అపారమైన దృఢనిశ్చయానికి మరియు కష్టపడి మెలగడానికి నిదర్శనం. వారు వేలాది మంది యువతకు, ప్రత్యేకించి శారీరక సవాళ్లను ఎదుర్కొంటున్న వారికి, ఒక సత్తువగా నిలిచారు.
