గురు పౌర్ణమి పండుగను ప్రతి సంవత్సరం ఆషాఢ మాసంలోని శుక్ల పక్ష పౌర్ణమి రోజున జరుపుకుంటారు. ఈ సంవత్సరం ఆషాఢ పౌర్ణమి తిధి రెండు రోజులు అంటే మిగులు తగులుగా వచ్చింది. ఈ పౌర్ణమి తిథి జూలై 20న ప్రారంభమై జూలై 21న ముగుస్తుంది. అటువంటి పరిస్థితిలో గురు పూర్ణిమని ఎప్పుడు జరుపుకోవాలి ఖచ్చితమైన తేదీ విషయంలో గందర గోళం నెలకొంది. పూర్ణిమను జూలై 20 లేదా 21వ తేదీన జరుపుకోవాలా.. అదే విధంగా ఆషాఢ పూర్ణిమ స్నాన దానం, ఉపవాసం ఏ రోజున ఆచరించాలి? గురు పూర్ణిమ ఖచ్చితమైన తేదీ, శుభ సమయం గురించి పండితులు చెప్పిన విషయాలను ఈ రోజు తెలుసుకుందాం..
గురు పూర్ణిమ తేదీ 2024
హిందూ క్యాలెండర్ ప్రకారం ఆషాఢ మాసంలోని శుక్ల పక్ష పౌర్ణమి తిది జూలై 20న సాయంత్రం 5:59 గంటలకు ప్రారంభమై మర్నాడు అంటే జూలై 21న మధ్యాహ్నం 03:46 గంటలకు ముగుస్తుంది.
అయితే హిందూ సంప్రదాయంలో సూర్యోదయం సముయంలో ఉన్న తిధి ని పరిగణలోకి తీసుకుంటారు కనుక జూలై 21వ తేదీ ఉదయం 05:37 గంటలకు ఆషాఢ పౌర్ణమి తిథి నాడు సూర్యోదయం అవుతుంది. అటువంటి పరిస్థితిలో జూలై 21 ఆదివారం రోజున గురు పౌర్ణమిగా జరుపుకుంటారు.
గురు పూర్ణిమ రోజున చేసే స్నానం, దానం
ఆషాఢ పౌర్ణమి రోజున స్నానం, దానం చేయాలనుకుంటే జూలై 21న ఉదయం 04:14 నుండి 04:54 వరకు బ్రహ్మ ముహూర్తంలో స్నానం చేయవచ్చు. ఈ సమయంలో స్నానం చేయలేకపోతే.. సూర్యోదయం తర్వాత కూడా స్నానం చేయవచ్చు. ఆ తర్వాత సామర్థ్యం మేరకు చంద్రునికి సంబంధించిన వస్తువులను దానం చేయండి. అయితే ఆషాఢ పూర్ణిమ ఉపవాసం ఒక రోజు ముందుగా అంటే జూలై 20న ఆచరించబడుతుంది.
గురు పూర్ణిమ 2024 శుభ సమయం
గురు పూర్ణిమ రోజు శుభ సమయం లేదా అభిజీత్ ముహూర్తం మధ్యాహ్నం 12:00 నుండి 12:55 వరకు.
విజయ ముహూర్తం మధ్యాహ్నం 02:44 నుండి 03:39 వరకు.
అమృత సమయం సాయంత్రం 06:15 నుండి 07:45 PM వరకు ఉంటుంది.
గురు పూర్ణిమ నాడు చేయాల్సిన పరిహారాలు
గురు పూర్ణిమ రోజున ఉదయం స్నానం చేసి పూజ చేసిన తర్వాత గురువు వద్దకు వెళ్లి ఇంటికి ఆహ్వానించండి. వారిని గౌరవించండి. పాదాలను తాకి ఆశీర్వాదం పొందండి. అప్పుడు వారికి ఆహారం అందించి.. తగిన బహుమతులు ఇవ్వండి. గురువుని తృప్తిపరచి పంపండి. గురు పూర్ణిమ రోజున ఇలా చేయడం వల్ల ప్రతి రంగంలో పురోగతిని పొందుతారు. ఎందుకంటే గురువును సేవించడం ద్వారా జాతకంలో గురు దోషం తొలగిపోతుంది. గురువు అనుగ్రహం లేకుండా జ్ఞానం, మోక్షం రెండూ లభించవని విశ్వాసం.
గురు పూర్ణిమ రోజున పేద బ్రాహ్మణుడికి పసుపు వస్త్రాలు, పసుపు, ఇత్తడి పాత్రలు, బెల్లం, నెయ్యి, పసుపు బియ్యం మొదలైన వాటిని దానం చేయండి. ఈ రోజున దేవ గురువైన బృహస్పతిని ఆరాధించడం వలన సంతోషం, సౌభాగ్యం కలుగుతాయి.
గమనిక: పైన పేర్కొన్న అంశాలను మత గ్రంథాల ఆధారంగా ప్రజల సాధారణ ఆసక్తులను దృష్టిలో ఉంచుకుని ఇవ్వడం జరిగింది. దీనిని టీవీ9 తెలుగు ధృవీకరించడం లేదు
Disclaimer: This story is auto-aggregated by a computer program and has not been created or edited by newStone.
