పిండి కొద్దీ రొట్టె అన్నట్లుగా ఫోన్ ధరను బట్టి అందులోని ఫీచర్లు, స్పెసిఫికేషన్లు ఉంటాయి. అయితే మరీ అంత ఖర్చు పెట్టాల్సిన అవసరం కూడా లేదు. అనువైన బడ్జెట్లోనే బెస్ట్ ఫీచర్లున్న స్మార్ట్ ఫోన్లు మార్కెట్లో అందుబాటులో ఉంటున్నాయి. రూ. 20,000 పెట్టగలిగితే హై ఎండ్ ఫీచర్లు అందుబాటులో ఉంటాయి. ఈ నేపథ్యంలో ప్రస్తుతం మన ఇండియన్ మార్కెట్లో రూ. 20,000 లోపు ధరలో అందుబాటులో ఉన్న స్మార్ట్ ఫోన్లను ఇప్పుడు చూద్దాం.
రియల్ మీ నార్జో 60 5జీ.. గేమింగ్ కావాలనుకునే వారికి తక్కువ ధరలో అందుబాటులో ఉన్న బెస్ట్ ఎంపిక ఇది. 6.43 అంగుళాల 90హెర్జ్ అమోల్డ్ డిస్ ప్లే ఉంటుంది. మీడియా టెక్ డైమెన్సిటీ 6020 5జీ చిప్ సెట్ ఉంటుంది. 8జీబీ ర్యామ్ తో పాటు 128జీబీ, 256జీబీ స్లోరేజ్ ఆప్షన్లతో ఉంటుంది. వెనుకవైపు 64ఎంపీ, ముందు వైపు 16ఎంపీ కెమెరా ఉంటుంది. బ్యాటరీ 5000ఎంఏహెచ్ సామర్థ్యంతో వస్తుంది. రియల్ మీ యూఐ4, ఆండ్రాయిడ్ 13 ఆధారంగా పనిచేస్తుంది. దీని ధర అమెజాన్ లో రూ. 17,999గా ఉంది.
వన్ ప్లస్ నోర్డ్ సీఈ2 లైట్ 5జీ.. వన్ ప్లస్ నుంచి అత్యధికంగా అమ్ముడవుతున్న స్మార్ట్ ఫోన్ ఇది. దీనిలో 6.59 అంగుళాల డిస్ ప్లే ఉంటుంది. క్వాల్కామ్ స్నాప్ డ్రాగన్ 695 5జీ చిప్ సెట్ ఆధారంగా పనిచేస్తుంది. 6జీబీ, 8జీబీ ర్యామ్, 128జీబీ స్టోరేజ్ సామర్థ్యంతో పనిచేస్తుంది. 64ఎంపీ వెనుకవైపు కెమెరా, ముందు వైపు 16ఎంపీ కెమెరాతో వస్తుంది. 5000ఎంఏహెచ్ సామర్థ్యంతో బ్యాటరీ ఉంటుంది. ఆండ్రాయిడ్ 12, ఆక్సిజన్ ఓఎస్ ఆధారంగా పనిచేస్తుంది. దీని ధర అమెజాన్లో రూ. 17,999గా ఉంది.
రియల్ మీ నార్జో 60ఎక్స్ 5జీ.. ఈ స్మార్ట్ ఫోన్ 6.72 అంగుళాల డైనమిక్ అల్ట్రా స్మూత్ డిస్ ప్లేతో వస్తుంది. మీడియా టెక్ డైమెన్సిటీ 6100 ప్లస్ 5జీ చిప్ సెట్ తో వస్తుంది. 4జీబీ, 6జీబీ ర్యామ్, 128జీబీ స్టోరేజ్ సామర్థ్యంతో వస్తుంది. వెనుక వైపు 50ఎంపీ, 2ఎంపీ, 5ఎంపీ కెమెరాలు ఉంటాయి. ముందు వైపు 8ఎంపీ కెమెరా ఉంటుంది. 5000ఎంఏహెచ్ స్మామర్థ్యంతో బ్యాటరీ ఉంటాయి. ఆండ్రాయిడ్ 13, రియల్ మీ యూఐ 4.0 ఆధారంగా పనిచేస్తుంది. దీని ధర రూ. 14,499గా ఉంది.
టెక్నో పోవా 5 ప్రో 5జీ.. గత సెప్టెంబర్లో విడుదలైన ఈ హ్యాండ్ సెట్ మంచి ఫీడ్ బ్యాక్ సంపాదించుకుంది. దీనిలో 6.78 అంగుళాల డిస్ ప్లే ఉంటుంది. డైమెన్సిటీ 6080 చిప్ సెట్ ఆధారంగా పనిచేస్తుంది. 8జీబీ, 256జీబీ స్టోరేజ్ సాయంతో పనిచేస్తుంది. 50ఎంపీ వెనుకవైపు కెమెరా, 16ఎంపీ ఫ్రంట్ కెమెరా, 5000ఎంఏహెచ్ సామర్థ్యంతో బ్యాటరీ ఉంటుంది. దీని ధర రూ.15,999గా ఉంది.
రెడ్ మీ నోట్ 12 5జీ.. ఈ స్మార్ట్ ఫోన్లో 6.67 అంగుళాల ఫుల్ హెచ్ డీ ప్లస్ సూపర్ అమోల్డ్ డిస్ ప్లే ఉంటుంది. 4జీబీ, 6జీబీ, 8జీబీ ర్యామ్, 128జీబీ, 256జీబీ స్టోరేజ్ సామర్థ్యంతో వస్తుంది. ముందు వైపు 13ఎంపీ కెమెరాతో వస్తుంది. 5000ఎంఏహెచ్ బ్యాటరీ ఉంటుంది. క్వాల్కామ్ స్నాప్ డ్రాగన్ 4 జెన్1 ప్రాసెసర్ ఉంటుంది. ఎంఐయూఐ 13 ఆపరేటింగ్ సిస్టమ్ తో వస్తుంది. దీని ధర రూ. 11,999గా ఉంది.
